日常小分享

開學都近一個月，二個字總結，很忙。

平時每日都是睡6.5-7小時，每天朝早逼自己5:45起床，你沒有看錯，我沒有寫錯，真的5:45，梳洗後做1小時健身，7點煮早餐，一般8點半出門，直到晚上6點半回到家，趕緊溫習盡量11點前可以turn in.

點解要這麼早起身做運動？ 因為我找不到其他更好的時間，早上和下午都在大學，晚上有家人又不方便，唯有在早上「偷」一小時在房間自己做。我要鍛鍊好身體，將來學空手道，黑帶是我的目標。讀者們可能會覺得，睡6.5小時會不夠，真的是不夠，我是犠牲部份睡眠時間來換工作時間，只能說我暫時未學到Elon Musk 以每5分鐘為單位的時間管理方法。小弟只能以魯迅的方法：

時間，就像海綿裡的水，只要願擠，總還是有的。------------魯迅

身邊多了朋友買/炒股票， 可惜他們都偏向短線。

每次碰到有買股票的朋友，他們都會問：騰訊放了未？( 我持有騰訊，他們都知道我有賺)
我總是用同一句說話回應：結婚先放啦
當然，小弟可能不結婚，就算結婚，都是8、9、10年後的事，那時騰訊巿值可能1萬億美元，也有可能滅亡了(我相信機率很低)，不過我想帶出的信息是長期持有，希望他們領略到啦。

今日偶遇了一位很久沒見的朋友，食飯時，交談間他透露了自己開始「買」股票，賺左好多。
以下對話是小弟憑記憶打出來的，有三名角色
我       朋友( 買股票 )=A      朋友(無買股票)=B            朋友( 對話中談及)=C

A：騰訊放了未？
我：結婚先放啦。
A：我最近有買股票，賺左好多。
我：買咩股？
A：XXXX，8XXX    ( 咩咩糧油，我唔記得個名，8字頭，創業板)
我：8字頭，創業板股票
A：0.8元買入，0.9放出，咁就賺一成。我上星期1.3元買，1.6放，又賺廿幾十%。
B：聽起來都唔錯，賺左咁多，我屋企人都係買D中石油、中行呢類穩陣派。
A：我鍾意D細股，一兩元，升幾亳就十幾%，大股無波幅，升得慢。
B：咁你點知咩位買？
A：憑感覺，之前升到0.9元，回落到0.8元，我feel到之後會升，果然真係升。
我：你幾時開始買股票？
A：今年六月。
B：咁你有冇蝕過？
A：有啊，最勁一次蝕成萬幾元。不過都賺番有突。
B：咁賺左幾多？
A：我開始兩萬幾，現在都五萬幾。一開始賺到幾百元、一千元會好開心，但現在無感覺，五六千先有feel，我希望每個月可以賺到番工咁多
我：你有兼職？
A：無。我指係澳門人月薪，萬五左右。　（我聽到即時呆了）
我：有賺就得
B：係囉，有賺就得，夠俾學費。
A：我仲叫埋XXX( 朋友C)買，佢都有賺。
我和B(笑著說)：C都係玩guitar算啦，竟然炒股票
B：好似好易賺咁。我覺得年輕人可以博D，而老一輩求穩陣，唔可以太博。咁你咪日日睇住個巿？
A：係啊，我上堂都有睇，近日上堂1.6元放左隻糧油，賺左幾十%，不過唔抵，佢最後升到1.9元，我同個friend一齊放，佢落堂先放，升到1.7元，賺得多過我。之後回落，星期三我買番，我feel到佢之後會再升。
(以上都是憑記憶，不過重點都有記得)


首先，小弟感覺到好似大時代的「我」，只不過他玩細價股，我玩牛熊證。另外，我聽到佢由兩萬幾去到五萬，說真的心裏都很envy、jealous，短短三個月就跑贏我。

這位朋友，曾經蝕過萬，但現在又番倍，我只能說好運( 價值投資又不是，技術分析又不是，可能真係講feel)。因為賺到錢而沾沾自喜，完全無危機感，而且會愈玩愈大，覺得賺錢好易......這類特質是什麼？與我大時代那時完全一樣，因為我都經歷過，最終結果當然是大敗收場，希望這位朋友最後不要交太多學費( 但交得多學費，痛才會大，才會深刻記得自己犯下的過錯)。

他有提到叫埋朋友C一齊買。如果是我，我一定不會叫其他朋友一齊買，因為賺到錢固然開心，萬一蝕了，點辦。如果有人問到，除左騰訊，仲有無其它股票，我只會說「有，但這個我不透露」，因為我怕講出來，其他人跟我買，萬一佢蝕了錢點辦，不是每個人也有長期持有的特質。如果有人想向我請教投資建議，我也只會說「公用股、reits和ETF」，因為這類股票是無輸的可能性，投資白痴都可以賺錢。


還有最重要的一點，投資最重要就是訓得著，投資最重要就是訓得著，投資最重要就是訓得著，因為很重要，所以要講三次。如果買隻不知名的股票，自己又不是十分了解，只會日日花大量時間睇住個巿，浪費時間之餘，工作效率又低，成日提心吊膽，嚴重會導致不能入睡。我在澳洲時無買賣過任何股票，只有間唔中睇下股票有咩消息，因為我對我的股票很有信心，如果炒一些細價股，那我肯定不能好好享受美好的澳洲之旅。