隔左一個月，終於有空閒更新blog，十月內共有七科mid term exam，完全是充滿壓力和激情的挑戰。
話說，今年牛巿應該是我第一次親身經歷的，感受到周圍氣氛的變化，由15年大時代牛三，到現在的牛三？一個完整的周期2年就經歷了，算是一次寶貴的經驗。
最近身邊多了不少股巿的味道，以下有數個例子是我親身經歷的。
1. 上課時朋友看了一整堂股票
澳大的課堂是75mins 一堂的，朋友坐在我隔離，他說他買了舜宇call輪，他全堂都注視著手機，不斷刷新股價。我當然沒多理會，繼續聽書，望望他，好像看到15年的自己，當時玩牛熊證這些高槓桿工具，真的要每分每秒盯著股價，我當時一日整個交易時段都望住個巿，但我知道自己好白痴，一來無論我看不看著，我都無法控制股價走勢；二來真的好浪費時間。最後，落堂時，朋友對我說「呢堂好激烈、好刺激，我見證左舜宇由130升到136」，我感受到真的是牛三了。
2. 竟然有學生問教授股票
經濟堂有一位學生上堂前問教授「我見閱文上巿升左好多，點睇閱文」，教授還是以標準答案回答「短期走勢都係炒上炒落，長遠未睇得清」，這種模稜兩可，答左=無答的答案成功擊退學生。之後教授都有提到，到底是「股票」還是「估票」。留回大家自己領略一下吧。
3. 在飯堂和巴士上也聽到一些人講IPO
12月就要考試，未來肯定會忙到連股巿都無暇看，希望party在未來一個月不要結束
暫時還未熱，07年時我同學仲係中學公開炒股，教同學們「致富」
ReplyDelete仍有不少人連閱文係咩都未知，明明已經榮登頭條。
ReplyDelete咁堅？
Delete我都有同學炒股票賺到錢，就叫埋其他人玩，語氣似賺錢好易
玩孖展咁激，怨小弟膽小玩不起。
ReplyDelete我經歷過金融海嘯，真係全民皆股，逢買必賺，但氣氛可以短時間改變，最終愁雲慘霧，最傷一定是槓桿或借錢炒股的人，其次就是那些在高位才大手追入的人。
ReplyDelete我知道當時農夫還出了一首歌《全民皆估》，足以想像到當時的狂熱程度
Delete哈哈~咁搞笑
ReplyDelete用朋友來作參考有時都幾準，他們開始連牛熊證都玩埋
Delete本來唔想留言，但睇番v兄你係澳門同鄉，有他鄉遇故知的感覺
ReplyDelete我由頭到尾爬曬你文，發現你講的澳門問題，其實我都好想搵人講，但真係無乜人理，例如老豆老母一味叫仔女考公務員/澳門人活得太安逸/又例如身邊識既人會為炒樓賺10萬20萬而唸下去邊度旅行......身邊無乜人知道投資/投機的分別.......睇番你呢篇其實呢排身邊都唔少人講緊買騰訊買乜買物，但又話要睇住上上落落，呢樣野就係我從某d 350公務員度聽番黎（富爸爸提到的問題，學校教你好多野，係無財務教育）我既反應就如你一樣笑下就好，幸好在網絡世界讓我認識真正的價值投資，遇上一眾blogger，縱使生活上沒有太多人可以傾到呢方面既野，但投資路上也不感孤單。
另外一樣想講既野係，認識不少朋友是月光族........搵2萬又好，3萬也好，到月尾都是同一個樣........
仲有一樣野想講既係，做月供的澳門銀行選擇太少了，澳門的銀行近乎係唔憂做......同一間boc，香港可以甚麼信用卡月供可以草埋分，真係望到都流口水
我的投資年期不長，17年1月才起步，每月持續投入，但由day 1開始，目標就是45歲財自，贖回自己的人生。
互勉之 @fake
講開考公務員，身邊都好多朋友考，但本人真係零興趣，成個環境太沉淪
Deleted老豆老母既觀念都幾奇怪，成日叫仔女去考公務員，希望佢地舒舒服服嘆世界，係入邊hea下hea下就算
但另一方面d老豆老母又希望個政府做呢樣做果樣，最好乜都攬曬黎做，難道個政府入邊做野既人不是你仔女嗎？
＠fake
首先十分多謝你從頭到尾看過我的文章。
Delete澳門情況就大家心知肚明。澳門福利太好，很多補貼派錢，福利好會較易令人產生惰性，而且生活在澳門真的是十分安穩，又不會像香港經常遊行抗議，政府一切以穩定行先。此外，公務員工資高和穩過泰山，好難令到父母唔叫子女唔去考公務員，可能個個父母都覺得自己出來打工好辛苦，加上幾十年人生經驗，政府工就是the best choice. 因為每個父母都唔想子女去挨，不如找份舒舒服服而且well paid的工作。
澳門始終都不是金融城巿，加上澳門人平均來說對於理財或投資方面知識較少（可以說澳門人比較簡單），我接觸投資前，對股票的認識全都是來自電視，更不會上網查資料，學校又不會教。電視播得最多的就是「炒股票下場就是跳樓自殺」，電視一定不會播一些長線投資等正確的投資方法，一來boring，二來唔夠juicy，無收視率。而大眾又不會自動找本書自學，買左股票又日日驚，升十幾%就好high，散戶的下場通常都是離不開某幾個原因。
澳門買股票，多數人都去銀行，中行就收天價commission fee, 雖然佢有月供，但得哥66隻，我對比過其他銀行，中行真是離奇比other貴，不論交易費還是股息代收。 我現在用緊BNU，不過將來畢業後找到工作後就轉用IB，IB真是平靚正。
Delete