Wednesday 29 March 2017

身邊人眼中的「投資」

身邊人對於投資的看法

房屋:

早前某日與朋友﹙年齡相約,非商科﹚閒談,當時正熱播TVB《有樓萬事足》節目,巧合地談到將來買樓,﹙Vision我本身未必會在澳門買樓,原因一我堅持移民,移民優先,二未必結婚,三不如用來投資,我就假裝會買樓﹚。

朋友:你打算幾時買樓?
我:如果要買,我會力爭28歲前買,希望可以買到樓齡較低,如果買樓的話越早買越好,你呢?
朋友:睇下點,要努力儲錢。現在有D屋三百多萬,不過係就樓齡大D。

我:我鍾意樓齡細D,間屋新D,又可以供耐D,供足30年。
朋友:吓﹗供耐D咪俾多D利息,又辛苦。緊係供短D
我:無錯,供耐D係俾多D利息,但買樓一定要按足30年,年期越長,月供越低,咁就有多餘資金作投資,只要你的回報率大過利率,咁就有賺。
朋友:有冇咁易啊﹗我唔係好信投資...
我:哦!!! 你諗住買幾多間屋?
朋友:一間,供一間屋已經好辛苦,邊有可能再供多間。
我:如果樓價大跌,我會加按自住樓,再買另一間。
朋友:咁你咪要同時供兩間囉?
我:唔怕,有得收租,租金可以抵消部分供款。
朋友:嗯....


當我聽到「我唔係好信投資」時,內心即刻呆了,我想可能有兩種原因,一是曾經投資蝕錢,二是本身覺得投資好危險。這種情況就猶如,有人向年輕時的美斯講「足球搵唔到食」,對於一個相信投資或相信足球的人,我當時都沒有反駁他,也沒有解釋投資長遠必勝,我也覺得年輕時的美斯也不會走去跟人爭論,因為結果就是最好的證明。


不只這位朋友,身邊好多朋友都沒有投資,我不是說每個人都應該要18歲就買股票這麼「勇」,但至少要有基本的理財知識,正所謂「你不理財,財不理你」。可能大家由少到大,學校都沒有教理財這科目,再加上平時聽到什麼炒燶股票輸好多錢,養成了一個觀念---買股票好危險。

我自問我都是17、18歲才開始接觸投資,之前對投資理財相關知識是空白一片的,一切知識都是靠自己上網自學。就算完全不懂投資的人問我想投資賺錢,我會建議他/她買盈富、公用股和REITs,長遠必升,公司背景簡單,基本上你只要不是在牛三買,持有二十年,回報也很可觀,只要肯拿一筆錢出來就可以,可惜他們不相信投資。

股票:

身邊還是有人買股票,但總是鍾情內銀,那正是我母親。

我本來是打算暪著家人買股票,但他們看了我的存摺,問我為何少了那麼多錢,迫於無奈地說買股票,當時約15年6月,還未到牛熊證輸錢,我媽當時話:「細路哥學咩人買股票,你識咩吖」。我當時都是求其敷衍她,幸好一直不知道我炒牛熊證輸了好多錢,也不知道我現在有約18萬資產。我無法想像如果告訴他們我輸左好多錢有什麼後果,我打算一輩子都不向家人說,當然也不會告訴身邊的人。

之後間中會問「仲有冇買股票,你呢D細路識咩股票,咁細個學咩人買股票」。

到了現在,20歲,早前見到中銀升到4元,就話「你俾D錢我,我幫你買股票,哥哥都
跟我買中銀,賺左好多,你呢D細路識咩股票,唔好亂咁買,買銀行股穩穩陣陣收下息,一年派一次息,買中銀就實無死」,我的答案好明顯,不用多說。

我媽好像有個stereotype 就是細路仔不會、不懂投資,學咩人投資。這種觀念是完全錯誤的。

第一,不應用年齡去界定人的能力,巴菲特11歲就買股票,有些12歲「細路」都可以識煮很   多不同種類而美味的菜餚,如果成年人就識投資,那就不會很多人炒燶股票;

第二,經驗真的有用?如果有,那我媽就不會在大時代5元買中銀,當時由高位5.68元跌到5元,她打電話同她的朋友說中銀跌到5元,好平,你買不買。結果跌到2.83元。投資經驗有幾十年,還信電視財演推介的股票,還信分析員的說話,那到底是誰不懂投資呢﹗

第三,我不明白為何我媽會睇少一個讀會計的兒子,有可能畢業後她都會認為你識咩投資,咁細個學咩人買股票。





我是否孤軍作戰?從地理上是,在澳門我身邊的人都不去學投資,根本無法交流,幸好我還有一位中學朋友對投資有興趣,都是由18歲起去投資,不過他去了澳洲讀書,我們現時還會定期作交流,不過他讀藥學,對投資沒有很深入的了解,但至少能有一位朋友談談投資。

至於身邊的會計同學有否投資,我感覺沒有,以她們的性格和行為來看,很大可能連一份真正的上巿公司Financial report 都未看過,或許等教授教才學,可能澳門人就是喜歡安穩吧。

幸好現在還有少許朋友支持我投資,他們都是相信投資的,我也沒有向其他人講我有買股票,也不會叫他們買,股票這東西,他們將來想買就自然會買,不想買就不會去買。

從開始走投資這條路,我就預計到是辛苦,無人支持,輸錢唔好喊,甚至有朋友話睇你幾時蝕錢,但我相信只要努力學習,累積知識,終有一日是成功。我要去給我媽證明我的投資是正確的。God will bless me.

90後Vision

-------------------------------------------------------------------------------------------------------------------
這個網站可以找到很多名人的Quote
http://www.azquotes.com/



33 comments:

  1. Vision,
    我對投資的看法是根本無得選擇,吾投資inflation會吃曬你血汗金錢的購買力,投資還有一線希望。

    ReplyDelete
    Replies
    1. 說得沒錯,但身邊的人不明白這道理,可能怕蝕錢吧

      Delete
    2. 可能由於人的心理作用關係,蝕錢帶來的負面失去感覺遠大於賺錢的正面獲得感覺

      Delete
    3. 無人喜歡失去,也可能缺乏正確的投資觀念---長期持有
      也有聽分析員俾number但最終蝕錢,唔敢再入巿

      Delete
  2. 我剛開始學投資時父母都很反對, 因為他們之前投資股票都輸多嬴少, 覺得搵笨, 不過一年多實踐之後他們開始信任我並將他們的蟹貨俾我幫手打理(義務管理), 我很認同billy兄及vision兄所講, 今時今日不投資只會困死自己

    ReplyDelete
    Replies
    1. 我也不是讀會計財務出身的, 但只要有心去學應該唔難, 我自己由買公用股收租股這類業務簡單的股票學起, 最後都學到(當然並非精通haha)

      Delete
    2. 不是會計出身也能學會投資,投資只需要基本會計知識就可以,無須太複雜。
      或只是長期擁抱一些優質股票,回報都可觀。可能大眾以為投資=炒股票,經常炒出炒入

      Delete
  3. 傳統正規教育無教人理財,加上好多人出身工作後又不願繼續積極學習新知識,社會風氣又盛行短炒,導致唔少人擁有錯誤理財價值觀導致理財不善。從來投資功力與個人經驗、學歷、職業無直接關係,反而個人心態、EQ與觀念更重要

    ReplyDelete
    Replies
    1. 講中重點,傳統教育是不會教理財的,導致大家只識得番工、儲錢、買樓...

      心態決定一切,只要想學,沒有什麼是學不到的,投資並不難學。

      Delete
  4. 不過不買樓(正確而言係不炒樓)財富難以有大增長, 唔夠錢移唔到民; 不過香港呢邊既樓就...不過hutchison順利畢業既話應該會盡力買一間細單位上車既, 希望到時樓價會有調整

    ReplyDelete
    Replies
    1. 香港應是堅離地,澳門是離地吧 haha

      找到一篇報道關於澳門上車
      http://hk.apple.nextmedia.com/financeestate/art/20160605/19641229

      Delete
  5. 俾心機!一步步來,打好基礎,慢慢會愈走愈快。

    ReplyDelete
    Replies
    1. 澳門的投資市場如何?

      Delete
    2. Vision還沒有很深入的了解,不過經過地產舖見到大部分都是400-500萬左右,但樓齡就大D。有些三百多萬,不過相信樓齡很大。

      這裏有兩篇報導
      http://hk.apple.nextmedia.com/financeestate/art/20160605/19641229
      http://hk.apple.nextmedia.com/financeestate/art/20160605/19641231

      Delete
    3. 如何澳門人想買股票,怎交易?
      有沒有自己的交易所?
      抑或經香港的交易所買股票?
      澳門人最鍾情的股票是否金沙之類,或者其他?

      Delete
    4. 至於房產,澳門樓價平香港少少,但差不太遠 ,香港新界區要400萬,九龍區500-600,香港島區約700萬以上。

      Delete
    5. 這價錢講的是較普遍的大型屋苑。

      Delete
    6. 無自己交易所,多數去銀行的網上銀行買,少數會去證券行﹙海通、新鴻基、英皇﹚,證券行應該好少人知,我都是上年才知道原來澳門有證券行

      至於澳門人最鍾情什麼股票我就不知道,不過我肯定老一輩喜歡內銀,我媽做博企都沒有買賭股,相反我就有買。

      至於樓價,澳門65%以上的房屋樓齡都超過25年,基本300萬起價,感覺澳門主要由樓齡和級數主導,位置不是最主要影響,因為澳門太細。

      300-450萬就樓齡大、低檔、低層,普通住宅。
      如果去到600萬以上就是高檔住宅,有會所,樓齡細

      Delete
    7. 澳門人自賭業放緩後怎看前景?
      如以往有否改變?
      澳門樓價相如高位是否與港相近,港樓價在創新高?
      上葡京實力如何?

      Delete
    8. 我暫時的股票組合在這篇blog有記載---
      第一次買書和分享投資組合
      http://visionbecomestrue.blogspot.com/2017/03/blog-post_33.html

      至於賭業,原諒我年紀尚輕,不能全面分析。
      我覺得有阿爺照住,澳門死唔去,將來只會平穩發展,中國好,澳門好,何妨最差的環境都已過去,博企都無大幅裁員,也沒有凍薪,我父母近兩年都有得加薪,雖然加五百元左右,而且還有年終花紅,好像我爸工作的永利澳門最近派發了一個月的薪金作冬季奬金。

      中央想將澳門打造為世界旅遊休閒中心,所以長說來說都是平穩發展。

      樓價方面我還是略懂皮毛,香港樓價創新高,澳門普遍樓價自14年高峰下跌了40%,隨著賭收恢復,樓價都回升,不過還是離地。

      至於上葡京,我抱歉真的答不到你,google完都是說中國風的藝術設計,有9成地方用作非博彩設施,相信這些都是套話,澳門政府話每年賭台增長不超過3%,又話要加大非博彩元素,博企唯有跟隨

      Delete
  6. 另外補充一句,澳門果邊有老王兄及味皇兄寫blog,你可以同佢地交流[我個blog有add佢地,你可以去望下:)],味皇可以話係我投資既啟蒙老師之一,佢d文寫得好正ga,真心推薦:)

    ReplyDelete
  7. 互聯網的出現某程度上也打破這地域界限, 讓大家更容易找到志同道合的人
    ^‿^

    ReplyDelete
  8. 我都係大學畢業出泥做野第二年先開始睇股票投資。 開頭我只係做好保守既定存, 直到而家仍然有兩筆定存壓住左我既資金。

    投資, 我由細就係會覺得你唔識就會輸好多, 會輸到跳樓。因為身邊有聽有買既啊姨會話一賺賺幾萬一輸就成個月做野都無心機。 當時我仲好細無咁多方法了解點樣投資、有咩股票可以買。 除左驚另外一點就係身邊無一個會教你投資既長輩, 我試過番pt 聽到d 啊姨講林住向佢地請教下, 點知佢地又係一款細路仔識咩投資、玩咩咁既態度回答我。 所以話理財同埋生財既觀念如果身邊無人傳俾你又或者你自己無realise 到真係會好保守。

    ReplyDelete
    Replies
    1. 我媽媽也是,她會說「咁細個學咩人買股票,輸左都唔知咩事」
      其實學投資和學其它東西都一樣,無年齡限制,只有心態限制。
      巴菲特11歲就買股票,有好多小朋友十幾歲就識烹飪,勁過好多大人。
      凡事肯學就得。

      至於投資會輸到跳樓,是因為投資是二八定律,只有二成人會賺錢,太多失敗例子充斥整個世界,只有少數成功例子,咁身邊人就自然會覺得你會蝕錢。

      至於理財,現在的教育體制不會教理財,所以要另外自學。加上澳門這個大環境,福利好,年年有錢派,令到人產生惰性,安安穩穩算。

      身邊有朋友做銀行定存,我就提醒他,與其給銀行賺錢,不如買公用股,講得難聽D,放十年,投資白痴都賺錢啦。但他說,股票呢D野我都唔識,放係銀行算。

      Delete
    2. 其實咁既行為係源於人對未知有恐懼所以多採取選擇回避風險,對股票唔熟唔識又堅持唔肯去學習既人黎講,其實最好佢地都係完全唔好掂股票,否則對於這類唔識股票又去掂既人來說遲早都是損失收場,巴菲特所說的能力圈都是這回事,對於自己能力範圍以外的東西,最好就係唔去理。條條大路通羅馬,達至財務自由有很多方法,大家各自修行,有人靠做實事而財自、有人靠投資財自,而投資門路也五花八門,選擇一個最適合自己的方法就可以。

      Delete
    3. Tony兄也有道理。
      唔一定要靠投資才可以達到財務自由,條條大路通羅馬,只要努力就得。

      Delete